É un programa de estadías dunha semana (seis noites), en réxime de pensión completa, que busca posibilitar o acceso de familias a un período vacacional nas residencias de tempo libre de Panxón e do Carballiño, dous centros adscritos á Xunta de Galicia e destinados ao desfrute do lecer das familias.
A guía recolle información sobre a violencia sexual dixital (tipos, características e indicadores), así como recursos para a prevención.
Esta guía pretende mostrar unha realidade descoñecida: a detección de calquera forma de abuso contra a liberdade sexual cara ás mulleres con discapacidade en todas as súas etapas vitais.
Este caderno, que foi editado pola Asociación de Mulleres con Discapacidade de Galicia (ACADAR) e financiado pola Xunta de Galicia, xorde para dar resposta á necesidade de dispor de material que permita coñecer, detectar, e abordar a vulnerabilidade que enfrontan as mulleres con discapacidade.
Esta guía ofrece información para concienciar e apoiar o persoal das empresas na identificación das vítimas de violencia de xénero que, malia non estaren a ser obxecto dos supostos regulados pola lexislación laboral pertinente, si son importantes para a loita global contra a violencia de xénero.
Esta guía xorde coa motivación de dar visibilidade a un tema tan oculto como é a trata e achegar á cidadanía galega a vulneración dos dereitos humanos que supón a trata e que, en concreto, no caso da trata con fins de explotación sexual, está recoñecida na nosa comunidade como un tipo de violencia de xénero dentro da Lei galega para a prevención e o tratamento integral da violencia de xénero.
Este protocolo ten por obxecto establecer o procedemento de adhesión dos centros de acollida á Rede Galega de Acollemento.
Este protocolo ten por obxecto establecer o procedemento de acceso á Rede galega de acollemento das mulleres vítimas de violencia de xénero a través das entidades derivantes previstas no protocolo.
Este protocolo establece os criterios de coordinación e colaboración institucional entre os distintos axentes implicados na prevención e protección dos actos de violencia de xénero, así como na asistencia ás persoas afectadas, garantindo unha actuación integral, áxil e coordinada.
Este protocolo ten por obxecto implementar medidas destinadas a previr a trata de mulleres para a explotación sexual e asistir ás súas vítimas.
Este protocolo ten por obxecto establecer o procedemento de derivación entre as comunidades autónomas para a coordinación das súas redes de centros de acollida para as mulleres vítimas da violencia de xénero e os seus fillos e fillas.
As Mesas locais de coordinación interinstitucional contra a violencia de xénero son instrumentos operativos nos que están representados todos os ámbitos municipais implicados, directa ou indirectamente, na loita contra a violencia de xénero co obxecto de procurar unha maior eficiencia da resposta ante agrave vulneración dos dereitos que supón a violencia de xénero.
