Esta guía contén información sinxela e directa dos recursos existentes en Galicia no eido da violencia de xénero a disposición de calquera persoa ou entidade interesada. O seu obxectio é facilitar e axilizar o traballo das e dos profesionais que na nosa comunidade acompañan a apoian ás mulleres que sofren violencia de xénero, concentrando nunha única ferramenta a descrición dos servizos e programas e os contactos das entidades que na comunidade autónoma integran a rede de apoio a vítimas.
Guías e protocolos
Amosando 1 - 10 de 18
Ferramenta dirixida ao persoal dos Centros de Información á Muller (CIM) para a atención de persoas LGBTI.
Esta guía elaborouse co obxectivo de ter unha ferramenta que axude ao funcionariado no traballo diario, tanto nas comunicacións interpersoais no eido laboral como na redacción de comunicados e documentos oficiais.
Este protocolo ten por obxecto establecer o procedemento de traslado das mulleres vítimas da violencia de xénero e dos seus fillos e fillas a calquera dos centros que conforman a Rede Galega de Acollemento, cando as especiais circunstancias da vítima imposibiliten o seu traslado por outros medios.
Este protocolo establece unhas pautas preventivas e de actuación cando se produza algún tipo de violencia contra as mulleres ou as persoas LGBTI nos establecementos de lecer nocturno da Comunidade Autónoma de Galicia.
Este protocolo establece accións de prevención, detección e actuación ante situacións de violencia sexual e LGBTIfóbica que se poidan producir nos espectáculos musicais e actividades recreativas e que supoñen unha ameaza para as mulleres e persoas cunha identidade de xénero e/ou sexualidade distinta da normativa (lesbianas, gais, trans, bisexuais, intersexuais e queer).
As Mesas locais de coordinación interinstitucional contra a violencia de xénero son instrumentos operativos nos que están representados todos os ámbitos municipais implicados, directa ou indirectamente, na loita contra a violencia de xénero co obxecto de procurar unha maior eficiencia da resposta ante agrave vulneración dos dereitos que supón a violencia de xénero.
Este protocolo ten por obxecto establecer o procedemento de derivación entre as comunidades autónomas para a coordinación das súas redes de centros de acollida para as mulleres vítimas da violencia de xénero e os seus fillos e fillas.
Este protocolo ten por obxecto implementar medidas destinadas a previr a trata de mulleres para a explotación sexual e asistir ás súas vítimas.
Este protocolo establece os criterios de coordinación e colaboración institucional entre os distintos axentes implicados na prevención e protección dos actos de violencia de xénero, así como na asistencia ás persoas afectadas, garantindo unha actuación integral, áxil e coordinada.