Que é?
É un programa de estadías dunha semana (seis noites), en réxime de pensión completa, que busca posibilitar o acceso de familias a un período vacacional nas residencias de tempo libre de Panxón e do Carballiño, dous centros adscritos á Xunta de Galicia e destinados ao desfrute do lecer das familias.
Ofértanse quendas de estadías e servizos nas devanditas residencias, co fin de favorecer a comunicación e participación persoal e sociofamiliar, e cumprir unha importante función social.
A quen vai dirixido?
Ás familias, é dicir, todas as persoas que formen parte da unidade familiar que teñan a súa residencia en España, así como os galegos residentes no exterior.
A distribución das prazas faise por orde de entrada das solicitudes, dándolle prioridade, entre outras, ás familias de vítimas de violencia de xénero.
Quen pode solicitalo?
As propias familias.
Cando se solicita?
Cando se convoque o programa de axudas para a concesión das estadías en residencias de tempo libre.
Como se solicita?
Por vía electrónica, a través do formulario normalizado.
Onde se solicita?
Na sede electrónica da Xunta de Galicia https://sede.xunta.gal
Pódese obter información no teléfono 881 995 558.