Este protocolo ten por obxecto establecer o procedemento de traslado das mulleres vítimas da violencia de xénero e dos seus fillos e fillas a calquera dos centros que conforman a Rede Galega de Acollemento, cando as especiais circunstancias da vítima imposibiliten o seu traslado por outros medios.
Informe que fai balance das políticas públicas implementadas polo Goberno Galego en materia de violencia de xénero, cumpríndose así coa disposición adicional Cuarta da Lei 11/2007, do 27 de xullo, galega para a prevención e o tratamento integral da violencia de xénero, que obriga ao Goberno da Xunta de Galicia a remitirlle ao Parlamento de Galicia, con carácter anual, un informe sobre a situación da violencia de xénero en Galicia, contando coas achegas de todos os departamentos implicados na prevención e no tratamento desta problemática que constitúe un atentado contra a integridade, a dignidade e a liberdade das mulleres, independentemente do ámbito no que se produza.
Informe que dá cumprimento á disposición adicional Cuarta da Lei 11/2007, do 27 de xullo, galega para a prevención e o tratamento integral da violencia de xénero, que obriga ao Goberno da Xunta de Galicia a remitirlle ao Parlamento de Galicia, con carácter anual, un informe sobre a prestación económica periódica para as mulleres vítimas de violencia de xénero.
Os informes anuais sobre violencia sexual en Galicia recollen os datos oficiais sobre os delitos contra a liberdade sexual rexistrados na comunidade autónoma, co obxectivo de ofrecer unha visión clara da súa evolución ao longo do tempo.
Unidade didáctica para educación secundaria e bacharelato que xira arredor dun conxunto de 8 fichas ou paneis que conforman a mostra “Á violencia de xénero... Dille Non!”
Unidade didáctica para educación secundaria baseada na exposición Cartas de Amor: 15 artistas contra a violencia de xénero, unha mostra da banda deseñada galega sobre violencia de xénero, con debuxos de artistas de sona como Miguel Calatayud, Patricia Castelao, Fausto Isorna, Pirusca, José Luís Méndez, Jack Mircala ou Javier Olivares.
Espazos presentes nos principais festivais de Galicia dirixidos á sensibilización, atención e asesoramento continuado ante calquera tipo de violencia de xénero ou LGBTIfóbica.
É un documento que acredita, con efectos administrativos e de carácter social, as situacións de trata e explotación sexual, aos efectos do previsto no artigo 47 do Real Decreto-lei 6/2022, do 29 de marzo, polo que se adoptan medidas urxentes no marco do Plan Nacional de resposta ás consecuencias económicas e sociais da guerra en Ucraína.
É un documento que acredita, con efectos administrativos e de carácter social, as situacións de violencia de xénero.
Este protocolo establece unhas pautas preventivas e de actuación cando se produza algún tipo de violencia contra as mulleres ou as persoas LGBTI nos establecementos de lecer nocturno da Comunidade Autónoma de Galicia.
