Que é?
É un documento que acredita, con efectos administrativos e de carácter social, as situacións de trata e explotación sexual, aos efectos do previsto no artigo 47 do Real Decreto-lei 6/2022, do 29 de marzo, polo que se adoptan medidas urxentes no marco do Plan Nacional de resposta ás consecuencias económicas e sociais da guerra en Ucraína.
Esta acreditación ten eficacia en todo o territorio do Estado e facilita o acceso ao exercicio dos dereitos de información e á derivación a recursos asistenciais establecidos na normativa estatal e no artigo 12 do Convenio de Varsovia, e, no caso de cumprir o resto de requisitos, ao Ingreso Mínimo Vital regulado na Lei 19/2021, do 20 de decembro.
A quen vai dirixido?
A vítimas de trata con fins de explotación sexual e/ou vítimas de explotación sexual.
Quen pode solicitalo?
As organizacións especializadas ou con experiencia acreditada na detección, atención e protección da vítimas de trata con fins de explotación sexual e de explotación sexual habilitadas para emitir os informes de detección no ámbito da Comunidade Autónoma de Galicia:
|
Accem San Pedro de Mezonzo. A Coruña |
Aliad-Ultreia Lugo |
|
Cáritas Diocesana (Lugo) Lugo |
Hermanas Oblatas del Santísimo Redentor (Ferrol) Ferrol |
|
Cáritas Diocesana (Santiago de Compostela) Programa Vagalume |
Cruz Vermella Española R/ Cruz Vermella Española 1 |
|
Asociación Faraxa pola Abolición da Prostitución Vigo |
Ecos do Sur A Coruña (zona Santa Margarita) |
|
Médicos do Mundo Galicia R/ Galeras, 13 2º Local 6-7 |
Cáritas Diocesana (Ourense) Programa Alumar |
|
Ong Fiet Gratia Tel. 681 059 834 |
Fundación de Solidaridad Amaranta Tel. 680 107 945 |
Cando se solicita?
Cando se detecte unha vítima de trata con fins de explotación sexual e/ou vítima de explotación sexual.
Como se solicita?
Presentando un informe de detección de posible vítima de trata e/ou explotación sexual.
Neste informe de detección recolleranse os aspectos relativos ás circunstancias que presenta a muller e que determinan a existencia de indicios compatibles con estar sufrindo unha situación de trata ou explotación sexual ou unha situación de vulnerabilidade a posibles abusos ou actos de explotación, así como a necesidade ou demanda que é necesario cubrir, de forma que se poida derivar, pola administración competente, ao servizo máis adecuado para dar cobertura á necesidade detectada.
O informe de detección deberá de ser asinado pola persoa coordinadora ou responsable do servizo público, recurso especializado, ONG ou entidade especializada habilitada para iso.
Pola súa parte, a muller solicitante, deberá asinar o correspondente consentimento informado, aos efectos de información e tratamento dos datos de carácter persoal.
Onde se solicita?
Na relación de entidades que acreditan a condición de vítima:
- Servizos sociais da Administración Pública, autonómica ou local.
- Centros da Rede Galega de Información a Mulleres.
- Centros da Rede Galega de Acollemento.
- Servizos sociais comunitarios e especializados de Galicia, dependentes ou adscritos ao órgano competente en Violencia de Xénero da Xunta de Galicia.