Este protocolo establece accións de prevención, detección e actuación ante situacións de violencia sexual e LGBTIfóbica que se poidan producir nos espectáculos musicais e actividades recreativas e que supoñen unha ameaza para as mulleres e persoas cunha identidade de xénero e/ou sexualidade distinta da normativa (lesbianas, gais, trans, bisexuais, intersexuais e queer).
Obxectivos
Establecer un marco de actuación para previr, detectar e actuar ante calquera manifestación de violencia sexual e LGBTIfóbica que se poida producir nos espectáculos musicais ou nas actividades recreativas na Comunidade Autónoma de Galicia.
A quen vai dirixido?
A todas as persoas que interveñen na organización e no desenvolvemento das seguintes actividades:
- Actividades culturais e sociais ao aire libre
- Festas e verbenas populares
- Espectáculos musicais ao aire libre