Recursos

Colección de decálogos en formato de banda deseñada, dirixidos a promover a inclusión do colectivo LGBTI en distintos eidos.

Espazos presentes nos principais festivais de Galicia dirixidos á sensibilización, atención e asesoramento continuado ante calquera tipo de violencia de xénero ou LGBTIfóbica.

Servizo gratuíto de atención 24 horas ao día, 7 días á semana, dirixido ás vítimas de incidentes de odio ou de discriminación por LGBTIfobia, así como para informar e atender calquera necesidade das personas LGBTI.

Ferramenta dirixida ao persoal dos Centros de Información á Muller (CIM) para a atención de persoas LGBTI.

Esta guía elaborouse co obxectivo de ter unha ferramenta que axude ao funcionariado no traballo diario, tanto nas comunicacións interpersoais no eido laboral como na redacción de comunicados e documentos oficiais.

Este protocolo establece unhas pautas preventivas e de actuación cando se produza algún tipo de violencia contra as mulleres ou as persoas LGBTI nos establecementos de lecer nocturno da Comunidade Autónoma de Galicia.

Este protocolo establece accións de prevención, detección e actuación ante situacións de violencia sexual e LGBTIfóbica que se poidan producir nos espectáculos musicais e actividades recreativas e que supoñen unha ameaza para as mulleres e persoas cunha identidade de xénero e/ou sexualidade distinta da normativa (lesbianas, gais, trans, bisexuais, intersexuais e queer).

Os Centros de Información á Muller (CIM) son o recurso de referencia nos concellos galegos para a promoción da igualdade, a prevención e a atención ás vítimas de violencia de xénero e para o asesoramento ás persoas LGBTI. A súa titularidade é municipal e a Xunta de Galicia colabora coas entidades locais no seu funcionamento a través de diferentes liñas de axudas, tarefas de coordinación ou programas formativos, sendo un claro exemplo da coordinación entre administracións na defensa dos dereitos das mulleres e na promoción da igualdade de xénero.