Actualidade

  •  A Xunta presenta un procedemento de detección precoz de casos de violencia de xénero desde o ámbito sanitario
01/12/2020

O conselleiro de Sanidade, Julio García Comesaña, dixo que este procedemento será implantado ao longo do vindeiro ano en todos os centros sanitarios da rede do Sergas

A conselleira de Emprego e Igualdade, María Jesús Lorenzana, subliñou a importancia do protocolo, ao recordar que o sistema sanitario é unha das primeiras portas de entrada e de contacto dunha muller vítima de violencia de xénero cos servizos públicos

  •  Emprego e Igualdade incrementa nun 32% o orzamento de 2021 con 355 millóns de euros para acadar unha Galicia con máis oportunidades laborais, máis igualitaria e sostible
30/11/2020

A conselleira de Emprego e Igualdade, María Jesús Lorenzana, compareceu hoxe no Parlamento para explicar as contas do próximo ano que teñen como principal reto facer fronte aos efectos da pandemia con programas para manter o emprego, crear traballo en igualdade de oportunidades e loitar contra a violencia de xénero

Lorenzana destacou que os orzamentos do departamento autonómico son os máis altos da historia cun aumento que duplica a subida xeral das contas da Xunta

A área de Igualdade disporá de 30,2 M€, un 10,2% máis que en 2020, para promover a corresponsabilidade e seguir combatendo a lacra da violencia machista

Sinalou que un dos piares do orzamento é crear e manter a actividade económica polo que a área de emprego, traballo autónomo e economía social crece un 88% para poñer o foco na realidade de Galicia, atendendo ás persoas e ás empresas

Os programas de formación e colocación contarán cun 3% máis de presuposto para apostar pola cualificación, a orientación e crear un novo Servizo Público de Emprego que identifique as necesidades do mercado laboral en tempo real

Para impulsar as relacións laborais, o orzamento medra nun 24,45%, incluíndo o dobre de axudas (6 M€) para as persoas desempregadas en empresas en crise ou en Erte, e poñendo o foco na igualdade laboral

  •  A Xunta remarca que Galicia é a única comunidade que concede axudas periódicas ás vítimas da violencia de xénero
26/11/2020

A secretaria xeral da Igualdade, Susana López Abella, compareceu hoxe ante a Comisión 5ª de Sanidade, Política Social e Emprego para presentar o Informe anual 2019 de violencia de xénero en Galicia

Un total de 577 mulleres beneficiáronse das axudas periódicas que a Xunta dedica ás vítimas da violencia machista para garantir a súa independencia económica

A Administración autonómica outorgou en 2019 indemnizacións a cinco fillos menores de 30 anos que dependían economicamente da nai falecida e/ou do seu pai agresor e a outras cinco mulleres feridas de gravidade a consecuencia das agresións

Igualdade na rede

Twitter

Facebook

Youtube