Aprende coas mulleres galegas

O proxecto "Aprende coas mulleres galegas" pretende achegaros unha serie de actividades para coñecer e afondar na vida de diferentes referentes intelectuais de Galicia

Maruja Mallo

Descarga e imprime a unidade didáctica e actividades en pdf.

Maruja Mallo foi unha pintora galega de recoñecemento internacional. Considerada unha das máximas representantes do surrealismo, a súa obra destaca en todos os ámbitos por unha constante e innovadora evolución artística.

Mª Victoria Moreno

Descarga e imprime a unidade didáctica e actividades en pdf.

Mª Victoria Moreno foi unha profesora e escritora en lingua galega que se adicou principalmente á literatura infantil e xuvenil acadando un amplo recoñecemento polas obras "Anagnórise" e "Guedellas de seda e liño".

Ángela Ruiz Robles

Descarga e imprime a unidade didáctica e actividades en pdf.

Ángela Ruiz chegou a Galicia con 23 anos para exercer como mestra preto de Ferrol. Non só ensinou a escribir a nenos e nenas, senón tamén a pais e nais analfabetos. Ademáis de mestra foi inventora, deseñando o que se considera o primeiro prototipo do libro electrónico.

Concepción Arenal

Descarga e imprime a unidade didáctica e actividades en pdf.

Concepción Arenal foi unha xurista, escritora, xornalista e loitadora que traballou incansablemente pola igualdade das mulleres. Ao longo da súa vida estudou a situación das persoas presas nos cárceres e a condición da pobreza na sociedade.

Ángeles Alvariño

Descarga e imprime a unidade didáctica e actividades en pdf.

Ángeles Alvariño foi unha científica galega de recoñecemento internacional. Estudou Ciencias Naturais e foi a primeira muller en viaxar como científica nun buque de investigación británico. Os seus traballos tiveron especial relevancia e aplicación na oceanografía e na bioloxía mariña. 

Ernestina Otero

Descarga e imprime a unidade didáctica e actividades en pdf.

Ernestina Otero foi unha mestra e pedagoga galega que traballou para implantar un novo xeito de aprender nas escolas. Ernestina estuda Maxisterio en Pontevedra e logo marcha a Madrid á Escola de Estudos Superiores, sendo unha das primeiras mulleres na unversidade. 

Mª Josefa Wonenburger Planells

Descarga e imprime a unidade didáctica e actividades en pdf.

María Wonenburger foi unha matemática e investigadora galega de renome internacional que traballou no campo da álxebra. Afecionada a deportes coma o hóckey e o baloncesto, foi unha alumna sobresaínte e unha gran políglota. Foi a primeira muller en acceder a unha bolsa Fulbright.

Emilia Pardo Bazán

Descarga e imprime a unidade didáctica e actividades en pdf.

Emilia Pardo Bazán foi unha escritora, xornalista, editora e catedrática galega, defensora dos dereitos da muller e precursora do movemento feminista. Foi a primeira muller catedrática en Literatura Contemporánea.

Olimpia Valencia

Descarga e imprime a unidade didáctica e actividades en pdf.

Olimpia Valencia foi a primeira médica galega. Tras estudar Medicina na Universidade de Santiago de Compostela e realizar en Madrid a súa tese de doutoramento, abriu en Vigo a primeira clínica de xinecoloxía dirixida por unha muller. 

Filomena Dato

Descarga e imprime a unidade didáctica e actividades en pdf.

Filomena Dato foi unha escritora, poeta, oradora e feminista galega. Na súa recompilación de poemas en galego, Follatos, fai unha alegación do papel da muller fronte aos estereotipos existentes a finais do século XIX. O poema "En defensa das mulleres" está considerado unha das primeiras obras feministas da nosa literatura.   

Isabel Zendal

Descarga e imprime a unidade didáctica e actividades en pdf.

Isabel Zendal foi unha enfermeira galega que formou parte da expedición para levar a vacina da varíola a América. Dende moi nova trasladouse da súa parroquia natal, en Ordes, á Coruña para traballar no Hospital da Caridade coidando dos nenos e nenas do orfanato.

Rosalía de Castro

Descarga e imprime a unidade didáctica e actividades en pdf.

Rosalía de Castro foi unha poeta e novelista galega, considerada como a máis destacada autora do Romanticismo do século XIX e unha das maiores representantes deo Rexurdimento galego.

Antonia Ferrín

Descarga e imprime a unidade didáctica e actividades en pdf.

Antonia Ferrín fou unha matemática e astrónoma galega que obtivo as licenciaturas de química, farmacia e matemáticas. Foi mestra de escola, de instituto e de universidade. Destacou coma investigadora sendo a primeira muller en defender unha tese de Astronomía en España.

María Casares

Descarga e imprime a unidade didáctica e actividades en pdf.

María Casares foi unha actriz galega de cine e teatro. Viuse obrigada a abandonar España tras o levantamento fascista e ao longo da súa carreira acadou numerosos recoñecementos coma a Medalla de Ouro ao Mérito nas Belas Artes en España ou o Grand Prix national du théàtre en Francia.

Luz Pozo Garza

Descarga e imprime a unidade didáctica e actividades en pdf.

Luz Pozo Garza foi unha escritora, docente, poeta e crítica literaria. Estudou Maxisterio e Filoloxía Románica e ten unha grande obra literaria, destacando os poemarios Paxaro na boca ou Códice Calixtino. Dirixiu as revistas literarias Nordés e Orión, foi membro da Real Academia Galega e no ano 2005 foi galardoada coa medalla Castelao. 

María Barbeito Cerviño

Descarga e imprime a unidade didáctica e actividades en pdf.

María Barbeito Cerviño foi unha mestra, pedagoga, tradutora, escritora e divulgadora que introduxo o método Montessori en Galicia, que se basea na liberdade e a autoaprendizaxe para poñer ao alumnado no eixo da educación.

Isabel Barreto

Descarga e imprime a unidade didáctica e actividades en pdf.

Isabel Barreto foi unha navegante galega, ademáis de gobernadora e adiantada, foi a primeira muller na  historia da navegación en obter o cargo de almirante. Descendente dunha familia portuguesa cunha importante tradición na expedición marítima, realizou expedicións a Perú e as illas Salomón.

Elisa Patiño

Descarga e imprime a unidade didáctica e actividades en pdf.

Elisa Patiño foi unha aviadora galega, a primeira muller en pilotar un avión en Galicia. O día 12 de outubro de 1913 na praia de Baltar, "Chichana" como era coñecida, despegou co seu aeuroplano deixando entusiasmada a toda a poboación.

María Vinyals

Descarga e imprime a unidade didáctica e actividades en pdf.

María Vinyals foi unha escritora, sufraxista e activista social galega. Considerada unha das pioneiras da reivindicación feminista en Galicia, destacou pola súa intensa actividade na loita pola igualdade a través dos seus artigos, conferencias e iniciativas.

Exeria

Descarga e imprime a unidade didáctica e actividades en pdf.

Exeria naceu na provincia romana da Gallaecia. Realizou unha viaxe de tres anos de duración na que peregrinou ao Oriente próximo e reflectiu toda esta viaxe nun libro no que relata as súas aventuras. Este libro converterase no primeiro libro de viaxes escrito por unha galega.

María Luz Morales

Descarga e imprime a unidade didáctica e actividades en pdf.

María Luz Morales foi unha xornalista, escritora, crítica teatral e asesora de tradución de guión para a produtora Paramount. Polo seu traballo en diferentes medios convértese nun refernte no mundo do xornalismo e no ano 1963 é rcoñecida co Premio Nacional de Teatro. 

Manuela Barreiro

Descarga e imprime a unidade didáctica e actividades en pdf.

Manuela Barreiro foi a primeira muller farmacéutica de Galicia. Foi a primeira muller en Galicia en acadar o título de bacheralato, a primeira muller licenciada pola Universidade de Santiago de Compostela, na que obtén o título de Farmacia, e a primeira muller en ter unha farmacia de seu. 

Rita Fernández Queimadelos

Descarga e imprime a unidade didáctica e actividades en pdf.

Rita Fernández Queimadelos foi a primeira arquitecta nada en Galicia. Estudou na Facultade de Ciencias de Santiago, asistiu á Escola de Artes e Oficios e, tras rematar esa primeira formación, marchou a Madrid a estudar aquitectura. Entre as súas obras destacan o antigo concello de Fuenlabrada, os proxectos de reconstrucción de Carabanchel ou os traballos realizados como arquitecta municipal en Mula (Murcia). 

Xela Arias

Descarga e imprime a unidade didáctica e actividades en pdf.

Xela Arias foi unha escritora, editora, tradutora e profesora de literatura moi comprometida, ecoloxista e feminista. Aos 18 anos comezou a traballar en Edicións Xerais de Galicia, pasando de oficinista a editora e correctora, un traballo que compaxinou con colaboracións en publicacións como A Nosa Terra, Diario 16 de Galicia ou o Faro de Vigo

Pura Vázquez

Descarga e imprime a unidade didáctica e actividades en pdf.

Poeta, mestra e membro correspondente da Real Academia Galega, Pura Vázquez foi a primeira muller en publicar en galego logo da guerra civil. Amante da literatura, comezou a publicar dende moi nova poemas en xornais e revistas, escribindo tanto en galego como en castelán, como por exemplo na publicación La Zarpa

Lolita Díaz Baliño

Descarga e imprime a unidade didáctica e actividades en pdf.

Lolita Díaz Baliño foi unha pintora, fotógrafa e profesora de debuxo que, en 1938 se converteu na primeira muller membro da Real Academia Galega de Belas Artes. 

María Pita

Descarga e imprime a unidade didáctica e actividades en pdf.

María Pita foi unha comerciante galega, defensora da cidade da Coruña ante o ataque do pirata Drake en 1589 baixo o lema "quen teña honra que me siga". 

Marcela Gracia e Elisa Sánchez

Descarga e imprime a unidade didáctica e actividades en pdf.

Marcela Gracia e Elisa Sánchez foron unhas mestras galegas que protagonizaron o primeiro casamento entre mulleres o 8 de xuño de 1901 na Coruña. Para poder realizar esta unión, Elisa tivo que adoptar unha identidade masculina e así enganar ao párroco que debía oficiar o casamento.

Elisa e Jimena Fernández de la Vega

Descarga e imprime a unidade didáctica e actividades en pdf.

Elisa e Jimena Fernández de la Vega foron dúas irmás xemelgas e as primeiras mulleres en estudar nunha universidade galega, licenciándose en medicina en 1919. Jimena obtivo ademais o premio extraordinario da licenciatura e viaxou por toda Europa para completar a súa formación. 

Sofía Casanova

Descarga e imprime a unidade didáctica e actividades en pdf.

Sofía Casanova foi unha poeta, xornalista, correspondente de guerra, actriz, enfermeira, escritora... Escribiu contos, novelas e máis de 1200 artigos en diferentes xornais e revistas.