No Boletín Oficial do Estado do 13 de xullo de 2022 publicouse a Resolución do 7 de xullo de 2022, da Secretaría de Estado de Igualdade e contra a Violencia de Xénero, pola que se publica o Acordo da Conferencia Sectorial de Igualdade do 27 de maio de 2022, relativo á acreditación administrativa da condición de vítima de trata de seres humanos e/o explotación sexual e os seus Anexos I e III.

Este acordo ten por obxecto acordar o procedemento básico e unhas pautas mínimas comúns para permitir a acreditación, con efectos administrativos e de carácter social, das situacións de trata e explotación sexual.

Este procedemento constará de dúas fases:

En primeiro lugar, a emisión do informe de detección e, en segundo, a remisión deste informe ao organismo acreditador, entre os designados por cada comunidade autónoma, para que, tomando como base o devandito informe, emita o documento de acreditación administrativa.

Para a elaboración do informe de detección poderá empregarse o modelo de informe recomendado, que se xunta como anexo III ao acordo (“Informe de detección de posible vítima de trata e/ou explotación sexual”).

Unha vez emitido o informe de detección, expedirase a acreditación administrativa conforme ao modelo unificado incluído como anexo I ao acordo (“Modelo unificado para a acreditación administrativa da condición de vítima de trata de seres humanos e/ou explotación sexual”).

Organizacións especializadas ou con experiencia acreditada na detección, atención e protección da vítimas de trata con fins de explotación sexual e de explotación sexual habilitadas para emitir os informes de detección no ámbito da Comunidade Autónoma de Galicia:

Organismos ou entidades públicas que expedirán a acreditación administrativa da condición de vítima de trata con fines de explotación sexual e/ou explotación sexual no ámbito da Comunidade Autónoma de Galicia:

- Servizos sociais da Administración pública autonómica ou local.

- Centros que compoñen a Rede galega de información ás mulleres (CIMs).

- Centros da Rede galega de acollemento.

- Servizos sociais comunitarios e especializados de Galicia, dependentes ou adscritos á Secretaría Xeral da Igualdade da Xunta de Galicia.

Resolución do 7 de xullo de 2022, da Secretaría de Estado de Igualdade e contra a Violencia de Xénero, pola que se publica o Acordo da Conferencia Sectorial de Igualdade de 27 de maio de 2022, relativo á acreditación administrativa da condición de vítima de trata de seres humanos e/ou explotación sexual e os seus Anexos I e III.

Relación de entidades e organismos que acreditan. 

Acreditación da condición de vítima de trata