O Instituto da Muller e para a Igualdade de Oportunidades colabora coa Secretaría Xeral da Igualdade para impartir unha nova edición dos “Talleres de Programación Creativa en Igualdade” en centros educativos públicos galegos.

Para participar nestes talleres daráselles preferencia a aqueles centros educativos que participen no Programa Donas de Si, durante o curso académico 2015-2016, do Plan Proxecta da Consellería de Cultura, Educación e Ordenación Universitaria da Xunta de Galicia.

Durante os meses de abril e maio terán lugar catro talleres nos seguintes centros educativos: IES de Arzúa (A Coruña), o 28 de abril; IES Chano Piñeiro de Forcarei (Pontevedra),o 29 de abril; IES Agra de Leborís da Laracha (A Coruña), o 9 de maio; e IES As Bizocas do Grove (Pontevedra), o 10 de maio.

Esta nova edición do programa Diana iníciase o 28 de abril, Día Internacional das Rapazas nas TIC.

http://e-igualdad.net/sites/default/files/videos/creativaenigualdad.mp4