Asistencia xurídica gratuíta

Que é?

É un servizo de asistencia xurídica inmediata, é dicir, no momento inmediatamente previo á interposición da denuncia, e con profesionais especializadas nesta materia, con independencia da existencia de recursos para litigar, e esténdese a todos os trámites, incidencias e recursos relacionados co procedemento para a que foi concedida, comprende así mesmo a execución da sentenza xudicial durante un prazo de dous anos.

Comprende as seguintes prestacións:

• Asesoramento e orientación no momento inmediatamente previo á interposición da denuncia ou querela.
• Defensa e representación por un/ha avogado/a e procurador/a durante o proceso xudicial.
• Inserción de anuncios ou edictos durante o proceso.
• Exención do pago de taxas xudiciais, así como do pago de depósitos necesarios para a interposición de recursos.
• Asistencia pericial.
• Obtención de copias, testemuños e actas, conforme ao Regulamento Notarial.
• Redución do 80% nos gastos derivados das escrituras públicas, as inscricións en rexistros, etc.

Nos casos de violencia de xénero a asistencia letrada ás vítimas prestaraa a mesma profesional (avogado ou avogada) designada desde o inicio ata a finalización do procedemento, abranguendo ademais todos os procesos penais, civís e administrativos que teñan causa na violencia padecida.

A quen vai dirixido?

Ás mulleres vítimas de violencia de xénero, vítimas de delitos contra a liberdade sexual e vítimas de delitos de trata de seres humanos, con independencia da existencia ou non de recursos económicos.

En caso de falecemento da vítima, este dereito asistirá tamén aos habentes-causa, sempre que non foran partícipes nos feitos.

Quen pode solicitalo?

As mulleres vítimas de violencia de xénero, vítimas de delitos contra a liberdade sexual e vítimas de delitos de trata de seres humanos nos procesos que teñan vinculación, deriven ou sexan consecuencia da súa condición de vítima.

Os habentes-causa, sempre que non foran partícipes nos feitos.