Que é?
É un recurso de atención, apoio, acollida e recuperación, destinado a facilitarlles ás mulleres que deciden abandonar a situación de explotación sexual e trata un espazo de reflexión previo á denuncia que resulte suficiente para que a vítima poida restablecerse e escapar á influencia dos traficantes e/ou poida decidir, con coñecemento de causa, a súa cooperación coas autoridades.
Este recurso é prestado en colaboración coas entidades de iniciativa social que xa contan con dispositivos destinados á atención integral a mulleres vítimas de explotación sexual e trata no que se lles presta acollida, axuda e asistencia directa e integran, nos seus dispositivos, unha vivenda de seguridade.
A quen vai dirixido?
A mulleres vítimas de explotación sexual e trata que deciden abandonar a situación de explotación e precisan dun espazo de reflexión previo á denuncia que resulte suficiente poder restablecerse e escapar á influencia dos traficantes e/ou poida decidir, con coñecemento de causa, a súa cooperación coas autoridades competentes.
Quen pode solicitalo?
As entidades de iniciativa social dedicadas á atención integral a mulleres vítimas de explotación sexual e trata.
Cando se solicita?
No momento en que se detecte unha vítima de explotación sexual e trata que decida abandonar a situación de explotación e precise dun espazo de reflexión previo á denuncia que resulte suficiente para que a vítima poida restablecerse e escapar á influencia dos traficantes e/ou poida decidir, con coñecemento de causa, a súa cooperación coas autoridades.
Como se solicita?
A través das entidades de iniciativa social dedicadas á atención integral a mulleres vítimas de explotación sexual e trata.
Onde se solicita?
Nos teléfonos 881 995 285 e 981 957 784.