Intervención psicolóxica en casos de violencia sexual

Que é?

É un programa de intervención dirixido a mulleres vítimas de abuso e violencia sexual, centrado nas necesidades das pacientes e cos seguintes obxectivos: 

• Desenvolver un contexto de seguridade e prevención de novas situacións de traumatización.
• Acompañar as mulleres na adquisición de información e habilidades para afrontar as consecuencias da violencia.
• Elaborar unha narrativa adecuada do trauma.
• Promover a integridade da identidade e benestar bio-psico-social.

A quen vai dirixido?

• Mulleres vítimas de abuso e violencia sexual, que mostran desaxustes físicos, emocionais, condutuais e relacionais como consecuencia do abuso.
• Familiares ou persoas, baixo o consentimento da vítima, que cumpran un papel imprescindible na recuperación.
• Equipos profesionais da rede que traballan coa vítima (profesionais de centros de acollida cando houbo unha medida de protección, profesionais sanitarios, etc...).

Quen pode solicitalo?

As mulleres vítimas de abuso e violencia sexual, os seus familiares e equipos profesionais da rede que traballan coas vítimas.