Que é?
É un servizo de apoio psicolóxico que ofrece intervención profesional, tanto para as mulleres como para as persoas ao seu cargo, e outros membros da familia, que lles axudará a afrontar a situación que sufriron e a reforzar a súa autoestima, ademais de ser un apoio na recuperación ou adquisición de habilidades e capacidades que lles permitan lograr a autonomía e a integración na vida social e laboral.
Ten como obxectivo axudar a minimizar o dano que ocasionou a violencia sufrida, afrontar o procedemento e acompañar a vítima durante todo o proceso xudicial.
O Programa artéllase a través dunha rede de profesionais repartidos/as por todo o territorio galego e apoiada nun convenio de colaboración entre a Xunta de Galicia e o Colexio Oficial de Psicoloxía de Galicia.
A quen vai dirixido?
A mulleres que estean a sufrir ou teñan sufrido violencia de xénero.
Menores, fillas e fillos de mulleres que estean a sufrir ou teñan sufrido violencia de xénero.
Outras persoas, do núcleo familiar directo, que vivan ou viviran a situación de violencia.
Quen pode solicitalo?
As mulleres vítimas de violencia de xénero.
Poden facer tamén a solicitude a través dos profesionais de atención:
- Centros de Información á Muller
- Centros de crise 24 horas
- Servizos sociais comunitarios e servizos sociais especializados de Galicia
- Centros adscritos ao Servizo Galego de Saúde (hospitais, centros de saúde, etc.)
- Xulgados radicados en Galicia
- Oficinas de Asistencia ás Vítimas do Delito (OAVD)
- Forzas e Corpos de Seguridade do Estado radicados en Galicia
- Policía Autonómica e Policía Local de Galicia
Cando se solicita?
En calquera momento.
O acceso é gratuito e anónimo as 24 horas.
Como se solicita?
De forma presencial, telefónica ou telemática.
Onde se solicita?
Directamente a través dos CIM, servizos socias, servizos sanitarios etc., e no teléfono 881 995 286