A Xunta participa na celebración do primeiro aniversario do Centro de Día de Cangas

Cangas (Pontevedra), 15 de xullo de 2025

O director xeral de Maiores e Atención Sociosanitaria, Antón Acevedo, participou esta mañá na celebración do primeiro aniversario do Centro de Día de Cangas. Trátase dun recurso de atención diúrna con máis de medio cento de prazas pensadas para ofrecer coidados específicos aos maiores da contorna.

Neste sentido, o director xeral puxo en valor o traballo do persoal deste centro que acompaña cada día aos maiores e que contribúe a mellorar o seu benestar. Así, explicou que este recurso conta con areas específicas para o descanso e tamén para realizar actividades orientadas a previr a dependencia e o deterioro cognitivo.