O Instituto da Muller e para a Igualdade de Oportunidades en colaboración coa Secretaría Xeral da Igualdade e as Asociacións de Mulleres Empresarias, vai a desenvolver catro talleres cofinanciados polo Fondo Social Europeo en cada unha das provincias galegas, no marco do programa ATENEA. 

Os talleres teñen como finalidade promover a participación das mulleres na Sociedade da Información, aumentando a súa confianza e seguridade no uso das novas tecnoloxías da información e da comunicación tendo en conta os posibles riscos que poden atoparse na Internet e incluíndo unha serie de recomendacións e consellos para previlos.

As novas tecnoloxías poden achegar á sociedade no seu conxunto, á poboación en xeral e ás mulleres en particular, múltiples oportunidades e beneficios, non obstante tamén xorden novos riscos. Como en moitos outros ámbitos, as mulleres presentan maior vulnerabilidade a algúns destes riscos: as fendas dixitais de xénero poden dificultar o acceso ao emprego, á formación ou á información en xeral, ou aparecer novos riscos de sufrir violencia de xénero.

Os datos estatísticos amosan, en relación coas fendas dixitais de xénero no acceso e uso das novas tecnoloxías, unha tendencia a reducirse. Non obstante, seguen existindo diferenzas no uso do comercio e banca electrónica, as descargas de software ou a percepción sobre a seguridade na rede.

Lugares de realización e correos electrónicos de inscrición:

• Lugo:  26/04/2016 de 16:00h a 20:00h. Información e inscricións: Asociación de Mulleres Empresarias de Lugo (AELU).
• A Coruña: 27/04/2016 de 16:00h a 20:00h. Información e inscricións: Asociación de Mulleres e Empresarias da Coruña (AECO).
• Pontevedra: 28/04/2016 de 16:00h a 20:00h. Información e inscricións: Asociación de Empresarias e Profesionais de Pontevedra (AEPO).
• Ourense: 29/04/2016 de 16:00h a 20:00h. Información e inscricións: Asociación de Empresarias e Profesionais de Ourense(AME)

Metodoloxía de traballo

As sesións desenvolveranse seguindo unha metodoloxía participativa transversalizando o enfoque de xénero en todo o proceso. Realizaranse diferentes actividades co propósito de que as participantes consigan descubrir conceptos básicos sobre a seguridade na rede. Propiciarase a realización de casos prácticos que faciliten a aprendizaxe mediante a reflexión grupal.

Obxectivos:

- Capacitar as mulleres para un uso responsable e seguro na rede.

ANEXO DATAS E LUGARES DE REALIZACIÓN