Teléfono da Muller
INCLÚE ATENCIÓN A PERSOAS EN LINGUA DE SIGNOS
Que é o Telefono da Muller?
É un servizo gratuíto e anónimo que funciona as 24 horas do día, desde calquera teléfono fixo ou móbil, e que ten cobertura para toda a Comunidade Autónoma.
Quen responde ao Teléfono da Muller?
Un equipo multidisciplinar coordinado con diferentes profesionais de toda Galicia.
Para qué se puxo en marcha?
Fundamentalmente cos obxectivos de:
- Facilitar información sobre cuestións xurídicas, psicolóxicas, laborais, educativas, recursos e servizos para mulleres e calquera outra información encamiñada á consecución da igualdade das mulleres que de forma individualizada o soliciten.
- Prestar servizos de información e asesoramento ás mulleres sobre os recursos existentes en prevención da violencia e axuda integral ás vítimas.
Sobre que cuestións te podes informar?
O Teléfono das Muller está integrado por un equipo multidisciplinar que ten por finalidade informar e asesorar sobre cuestións relacionadas coas seguintes materias
- Separacións, divorcios, abandonos do fogar, sentenzas incumpridas...
- Malos tratos, vexacións, ameazas, agresións sexuais, acoso sexual...
- Cursos ocupacionais, oposicións, bolsas de emprego, creación de empresas...
- Discriminación laboral, permisos de maternidade e paternidade, apoio á contratación...
- Servizos sociais, casas de acollida, centros de información á muller, programas para mulleres desfavorecidas, gabinetes de orientación familiar..
- Educación para a igualdade, materiais didácticos non sexistas, publicidade discriminatoria para coas mulleres...
- Apoio ao asociacionismo, xornadas, seminarios, subvencións a asociacións, publicacións...
- Políticas de igualdade, proxectos europeos, actuacións de medidas doutros organismos de igualdade...
Departamento: