Actualidade

Ex., 19-09-2021
Ex., 19-09-2021
  • Susana López Abella e Luis López visitan o `Espazo Concilia´ de Poio, que beneficia a 30 familias este verán
03/09/2021
Susana López Abella e Luis López visitan o `Espazo Concilia´ de Poio, que beneficia a 30 familias este verán

A secretaria xeral da Igualdade e o delegado territorial da Xunta en Pontevedra destacan que o Goberno galego colaborou este ano coas accións municipais de conciliación estival con case 1,5 millóns de euros

As achegas para favorecer a conxugación da vida familiar e laboral destináronse aos concellos pontevedreses de Soutomaior, A Cañiza, Catoira, Meaño, Poio, A Guarda, Tui, Moaña, Baiona, Redondela, Ponte Caldelas, Meis, Cangas e Vila de Cruces

O Concello de Poio recibíu preto de 10.000€ para o desenvolvemento desta actividade, que ten lugar no CEIP Viñas de San Salvador dende o pasado 1 de xullo e rematará cando comece o curso escolar o vindeiro xoves

  • A exposición 'As primeiras xornalistas, elas escribiron a historia' pode visitarse en Lugo desde mañá ata o 29 de setembro
01/09/2021
A exposición 'As primeiras xornalistas, elas escribiron a historia' pode visitarse en Lugo desde mañá ata o 29 de setembro

A mostra organizada pola Xunta de Galicia é unha homenaxe ás mulleres galegas que abriron camiño nos eidos do xornalismo e da comunicación desde Galicia e outras partes do mundo

A sala de exposicións da delegación territorial da Xunta en Lugo acolle esta mirada pola historia e a memoria feminista, que se poderá visitar de dez da mañá a oito da tarde e de luns a venres

Conmemóranse as biografías de mulleres pioneiras como a crítica literaria e escritora Concha Castroviejo, a articulista e poeta Avelina Valladares, a poeta Filomena Dato, a escritora Emilia Pardo Bazán ou a mestra e xornalista Mercedes Vieito, entre outras

A Xunta persegue con esta iniciativa que toda a sociedade, en especial a mocidade, coñeza esta parte da historia de Galicia e da loita pola igualdade de xénero e a súa contribución á modernización social, cultural e política da Comunidade

  •  A Cidade da Cultura acolle do 3 ao 4 de setembro a segunda edición do atopo Mulleres e Cultura Urbana con actividades para público novo e familiar
25/08/2021
A Cidade da Cultura acolle do 3 ao 4 de setembro a segunda edición do atopo Mulleres e Cultura Urbana con actividades para público novo e familiar

A iniciativa conta con financiamento da Xunta de Galicia a través do Fondo de Proxectos Culturais Xacobeo 21-22 e está promovido por 7 H Cooperativa Cultural

Inclúe dúas xornadas de análises, exhibición e creación artística colectiva en clave de xénero con propostas de grafiti, música ou baile de baile previa inscrición

14/08/2021
A Xunta enxalza en Ribadeo o deporte como un motor de cambio para acadar a igualdade real

A secretaria xeral da Igualdade, Susana López Abella, asistiu na localidade lucense á entrega do trofeo de fútbol Emma Cuervo, que na súa 70ª edición estende este título á categoría feminina

A Consellería de Emprego e Igualdade apoia o deporte como ferramenta transversal para a igualdade con axudas como o acordo de colaboración que manteñen a Secretaría Xeral da Igualdade e a Secretaría Xeral para o Deporte, que conta cun investimento de 500.000 euros