A secretaria xeral da Igualdade inaugura en Baiona a exposición sobre os Premios María Josefa Wonenburger

  •  A secretaria xeral da Igualdade inaugura en Baiona a exposición sobre os Premios María Josefa Wonenburger
  •  A secretaria xeral da Igualdade inaugura en Baiona a exposición sobre os Premios María Josefa Wonenburger

Baiona (Pontevedra), 22 de xaneiro de 2020. A secretaria xeral da Igualdade, Susana López Abella, inaugurou hoxe en Baiona unha exposición sobre os premios María Josefa Wonenburger, creados pola Xunta para visibilizar e facer chegar á sociedade as contribucións das mulleres galegas referentes na ciencia e na tecnoloxía. O recoñecemento de 2019 recaeu en Mabel Loza, catedrática de Farmacoloxía e responsable do grupo de investigación BioFarma da Universidade de Santiago (USC).

O Premio leva o nome da investigadora e matemática galega María Josefa Wonenburger, unha auténtica pioneira e referente feminino internacional no ámbito das ciencias e unha científica adiantada ao seu tempo.