Baixo o lema 'Que farías ti?', ACADAR e a Consellería de Promoción do Emprego e Igualdade presentamos esta campaña na que a partir de experiencias contadas por usuarias da asociación ACADAR construímos historias interactivas que buscan reclamar a implicación social a través do formato audiovisual.

No proceso de creación da campaña participaron máis de trinta persoas, co obxectivo de dar a coñecer e proporcionar ferramentas para a prevención a través de catro pezas audiovisuais. Cada unha das pezas de vídeo presentada narra as experiencias vividas por mulleres usuarias da asociación ACADAR, que nalgúns casos convértense nunha soa voz, e noutros en voces diversas. Son catro historias diferentes con guións que xorden de encontros e obradoiros realizados con mulleres con discapacidade e que se encargaron de levar ao audiovisual as directoras Noemi Chantada, Lucía Vilela, Mar Catarina e Xiana do Teixeiro.

Coñece o proxecto: Descubre a nosa realidade!

'UN ESPAZO DE CONFIANZA' Dirixido por Lucía Vilela

'A ÁRBORE DOS DESEXOS' Dirixido por Xiana do Teixeiro

'RECOÑECENDO VIOLENCIAS' Dirixido por Noemí Chantada

'QUEN SON?' Dirixido por Mar Catarina