O Instituto da Muller e para a Igualdade de Oportunidades colabora coa Secretaría Xeral da Igualdade para impartir unha nova edición dos “Talleres de Programación Creativa en Igualdade” en centros educativos públicos galegos.

Para participar nestes talleres daráselles preferencia a aqueles centros educativos que participen no Programa Donas de Si, durante o curso académico 2016-2017, do Plan Proxecta da Consellería de Cultura, Educación e Ordenación Universitaria da Xunta de Galicia, e os centros educativos nos que se imparte a materia de libre configuración autonómica Igualdade de Xénero.

Durante o mes de abril terán lugar tres talleres nos seguintes centros educativos: IES de Brión (A Coruña), o 21 de abril; IES de Catabois (A Coruña) ,o 25 de abril; e CPI Plurilingüe de Vedra (A Coruña), o 28 de abril.