Listaxe de protagonistas

Mabel Loza

Mabel Loza, doutora en Farmacia e catedrática de Farmacoloxía na Universidade de Santiago de Compostela, foi galardoada co Premio María Josefa Wonenburger Planells 2019.

Coordinadora do grupo de investigación BioFarma, Loza é autora de cento sesenta e un artigos publicados en recoñecidas revistas, asistiu ao redor de duascentas comunicacións e congresos sobre farmacoloxía, química medicinal e neurociencia e é directora de vinte e dúas teses de doutoramento.

Alicia Estévez Toranzo
Alicia Estévez Toranzo, catedrática de Microbioloxía e directora do Grupo de Patoloxía en Acuicultura da Universidade de Santiago de Compostela, é promotora dunha decea de patentes de vacinas que preveñen enfermidades en peixes de consumo diario. 
 
As súas principais liñas de investigación están centradas na patoloxía bacteriana en Acuicultura, concretamente na caracterización fenotípica, antixénica e molecular de patóxenos de peixes; no desenvolvemento de métodos de diagnóstico de patóxenos; a epizootiología; a quimioterapia e a vacinación en Acuicultura.

Inmaculada Paz Andrade (Pontevedra, 1928). É a primeira muller catedrática de Física da Universidade de Santiago de Compostela e destaca, entre outros moitos méritos, por ter introducido en España os estudos de Microcalorimetría, converténdose nunha referencia a nivel mundial como especialista en Microcalorimetría, Termoxéneses e Análise Térmico Diferencial.

Begoña Vila Costas

Begoña Vila, astrofísica galega, suma un novo recoñecemento á súa carrera profesional: o premio Wonenburger, que destaca a súa excelente labor científica.

Begoña Vila Costas (Vigo, 1963) é unha astrofísica viguesa especializada no estudo de galaxias espirais. Actualmente reside en Washington DC, onde lidera un equipo composto por máis de mil persoas, e é unha das principais responsables do telescopio espacial James Webb, que será o sustituto do Hubble.

Cristina Pato

Cristina Pato (Ourense, 1980) é unha música galega residente en Nova York desde o ano 2004. É titulada superior en Teoría da Música, Transporte e Acompañamento, Piano e Música de Cámara polo Conservatorio Superior de Música do Liceo de Barcelona. Ademais, realizou un máster en Artes Dixitais na Pompeu Fabra e é doutora con honores en Artes Musicais en Piano Colaborativo na Universidade Rutgers (Estados Unidos).