Listado de protagonistas

Ángela Ruiz Robles

Foi unha mestra, escritora e inventora do que se considera o primeiro libro electrónico.

Realizou os seus estudios superiores na Escola de Maxisterio de León, onde impartiu as súas primeiras clases de taquigrafía, mecanografía e contabilidade mercantil entre 1915 e 1916. En 1918 obtivo praza de mestra en Santa Euxenia de Mandia, preto de Ferrol. Durante a súas estancia na localidade, recibiu das súas veciñas e veciños a distinción especial polos seus indiscutibles méritos en agradecemento á súa dedicación e atención desinteresada.

Iria Gómez

Iria Gómez é unha deportista natural de Pobra do Caramiñal nacida o 7 de xullo de 1991. Actualmente milita no equipo Racing Chapela e regresou do Campionato de España de natación para persoas con discapacidade física de 2016 con dúas medallas: unha prata en 200 metros costas e un bronce en 100 metros na mesma disciplina.

Olga Gallego

Olga Gallego Domínguez (Ourense, 1923-2010) arquivística española preocupada constantemente polo desenvolvemento do sistema arquivístico e a conservación do patrimonio galego. Comprometida co patrimonio, a historia e a cultura (o libro e as bibliotecas, a lingua e a literatura, a arte, o urbanismo, a arqueoloxía, a museoloxía etc.) e colaboradora activa con institucións como a Fundación Penzol, a Fundación Otero Pedrayo, o Grupo Marcelo Macías ou Anabad Galicia.

Nerea Barros

Nerea Barros é unha actriz galega nacida en 1981 en Santiago de Compostela. Debutou no cine con dezaseis anos, en 1997, na película Nena do director Xavier Bermúdez, co cal volveu a colaborar en 2008 na película Rafael. Durante un tempo compaxinou os seus estudos de Enfermería co teatro e en 2009 obtivo o seu primeiro papel relevante na pequena pantalla coa serie Matalobos da Televisión de Galicia. Non foi sen embargo ata 2013 cando gañou certa popularidade debido a súa participación en “El tiempo entre costuras”, unha adaptación da novela de María Dueñas.

Isabel Aguirre de Úrcola

Isabel Aguirre de Úrcola é arquitecta pola Escola Técnica Superior de Arquitectura da Universidade da Coruña e dirixe a ‘Escola Galega da Paisaxe’ da Fundación Juana de Vega desde su creación en 2008.

Nacida en Vilagarcía de Arousa, conta con máis de 25 anos na docencia e a investigación. Foi profesora titular na Universidade da Coruña e a súa experiencia docente esténdese a outras universidades españolas e estranxeiras.