Santiago de Compostela, 21 de marzo de 2017.- Esta actividade formativa organizada pola Secretaría Xeral da Igualdade e a Escola Galega de Administración Pública está dirixida ao persoal funcionario da Xunta de Galicia e forma parte do Plan Anual de Formación da Escola Galega de Administración Pública (EGAP) para o ano 2017. O obxectivo deste curso é realizar unha análise da igualdade de xénero desde o ámbito xurídico.
O programa do curso inclúe:
-O tratamento legal da igualdade de xénero: marco teórico- legal internacional , europeo, estatal e na Comunidade Autónoma.
Terá unha duración de 21 horas presenciais e impartirase no mes de marzo nas dependencias da EGAP en Santiago de Compostela:
Horas: 21
Prazas: 25
Datas: 20, 21, 22, 23, 27, 28 e 29 de marzo en horario de 16:30 horas a 19:30 horas
Participarán 25 alumnos elixidos segundo os criterios xerais da EGAP de acordo coa Resolución do 4 de xaneiro de 2008, tendo preferencia para realizalo o persoal da Administración que traballe en materia de igualdade, con carácter transversal ou sectorial.
O curso será impartido por profesorado pertencente a distintos ámbitos:
Marta Vázquez Sanjurjo, letrada da Asesoría Xurídica da Xunta
José Fernando Lousada Arochena , maxistrado do Tribunal Superior de Xustiza de Galicia
Patricia Iglesias Rey, xefa do Gabinete de Estudos e Dereito comunitario, Asesoría Xurídica Xeral
Xesús do Río da Torre, xefe do servizo de apoio Técnico-Administrativo da Secretaría Xeral da Igualdade